ان الهدف من انشاء هذا المنتدى هو الحفاظ على الذاكرة الشعبية لمراكش و التعريف بمآثرها التاريخية و مثقفيها وأعلامها .
 
الرئيسيةبوابة جديدةالتسجيلدخول

شاطر | 
 

 العيط كامل .. عيط الدقة المراكشية

اذهب الى الأسفل 
كاتب الموضوعرسالة
المختار الافغيري
Admin
avatar

عدد المساهمات : 966
تاريخ التسجيل : 11/10/2012

مُساهمةموضوع: العيط كامل .. عيط الدقة المراكشية   الثلاثاء أكتوبر 29, 2013 2:56 pm




شنابدا وباسما الرحمان ** وباسما العالي
 الصلاة على زين الزين ** طه وياسين
 الصلاة والسلام على سيد ماعز الله ** اسيدي بيه قلبي مشروح
 الشفاعة ياسيد المرسلين يانبينا ** اسيدي يا الشافع فينا
 المصطفى تاج النور ** حرمت جد الحسنين لاتفرط فينا
 اسيدي غييير جود عليينا
 اصحابي دارو بيا ** فكل اعشيا
 اهل الزاوية جيت انزور ** نلقى حرش العينين في باب رياضو
 اسيدي تايعرض سوارو
 الوالي مول الدليل ** حرمت سيدي مسعود لاتفرط فينا
 الوالي سيدي ايوب ** عار الجار على الجار لاتدوزني ياجاري
 الوالي يابنصالح ** حرمت لا لة نجمة يالسكراتية
 الوالي مولاي علي الشريف ** حرمت القاضي عياض لاتفرط فينا
 الوالي سيدي منصور ** حرمت مولاي اليزيد لاتفرط فينا
 الوالي سيدي ميمون ** حرمت الامام السهيلي لاتفرط فينا
 الوالي سيدسي يعقوب ** حرمت لالة ميمونة لاتفرط فينا
 المكطع في واد سبو ** عاودو ليه كيف جرى يالمحاربين
 السيمو ياوليد امو ** ابرم الطارة العشير غرب الليل
 للاه سالها يالعشير امالها عليا ** اهيا واجب اللي صيفتوني
 الشبان راه العام ازيان ** نمشيو للنزاهة ونكيمو فبساط
 راحت راحت شمس العشي** راحت في احكام الباري تعالى
 قال الزين انا بغيت نمشي ** وهدا وقت الرواح مافيه مقالة
 واللي ماسار غير يمشي ** والايام فايتة والدنيا رحالة
 نبكي والنوح على فراق الفراجة ** وهدا مكتاب الباري تعالى
 سيدي ربي نرجاك يالعالي ** ازيان حالنا وترخص فيه كل مسالة
 صلى الله عليك يالقرشي ** محمد لمفضل سيد الرسالة
 سالوني سالوني جيت نتولع بكم** اعزوا فرياضو اعشيري سلبوني
 الطرادة الخضرا كاتشالي ** اسقار مااخفى على من هو براني
 يلاه اوا تشوف بساط الفراجة ** الصوار عالية والشراجم شيبية
 يالاه اواتشوف رايس البلاد جا ** فالزاوية السعيدة نعطيك اخبارو
 شوف الدقة بصوتها مع الليل ** غابو ناسها ماحضرو شي ليها
 واللي فزعي ولا يعرف يدوي ** لله واش جابو لينا لهنايا
 نوضو نوضو علييه مانوضو ** وهنا كايمينو اعشيري برزانة
 الغزواني جيت نزور ** يامول القصور
 النزاهة وقت النوار ** في احريلي واحريلي
 بن جعفر سلطان ** جايب الصولة لولاد حومتو
 الجامور ايبان ** والساقية قدام قبتو
 داك الخيلي داك لصفر** يالاه اوا لوهامنا
 تما نشربو كيسانا ** كيسان الورد مع الزهر
 خويا خويا واعطيه دريهمو ** ليشييير صغييير
 خويا خويا دلى اكبايلو ** مجدول الحرير
 ولد السميريس الله يرحمو ** عشاق الزين
 عيشة عيشة يابودلال ** تبقاي بيخير امشينا
 شيخ الحضرة مولاي بوعمر ** ارواح تزور
 انشاء الله نكيمو الحال ** العام الجاي
 انا في عار الزاوية ** زاوية المومنين
 هييوا هييييوا هيوا ** امالي حيانا


الرجوع الى أعلى الصفحة اذهب الى الأسفل
HIND MGHARI
مشرف
avatar

عدد المساهمات : 255
تاريخ التسجيل : 01/11/2012

مُساهمةموضوع: رد: العيط كامل .. عيط الدقة المراكشية   الأحد نوفمبر 03, 2013 2:25 pm

شكرا لك استاد المختار من مدة كنت ابحت عنه
الرجوع الى أعلى الصفحة اذهب الى الأسفل
 
العيط كامل .. عيط الدقة المراكشية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ناس مراكش :: الترات المراكشي :: الحلقة والاهازيج الشعبية-
انتقل الى: