ان الهدف من انشاء هذا المنتدى هو الحفاظ على الذاكرة الشعبية لمراكش و التعريف بمآثرها التاريخية و مثقفيها وأعلامها .
 
الرئيسيةبوابة جديدةالتسجيلدخول

شاطر | 
 

 قصيدة يامنة نظم المصمودي وإنشاد احمد بدناوي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
said aflafal
مشرف


عدد المساهمات : 204
تاريخ التسجيل : 09/11/2012
العمر : 53

مُساهمةموضوع: قصيدة يامنة نظم المصمودي وإنشاد احمد بدناوي   الأحد نوفمبر 30, 2014 5:33 am

[size=48]قصيدة يامنة[/size]
نظم 
[size=32]محمد المصمودي
[/size]




*********



قولوا ليامنة تهليل العثماني
مينة يامينة معاك شرع الله



——————



مير لغرام خرق حشايا ودهاني
شَرَّبْني كيسان من هموم بلاه
حتى حرار قَوْتي والنوم جفاني
أناس إلى مَنّْ يفيدني بدواه
واللي هويت يا ولفي ما يهواني
بدَّلني بالغير..لاحني مراه



——————



قولوا لها لضي الماحي
من حبها خلاكي جاحوا
نوَّحْتْ مانفع تنواحي
حتى دموع عيني ساحوا
تارة تصيب عقلي ساحي
تارة يهيج سم جراحو

بحر لغرام غرَّقْ موجو قرصاني
قلَبْ سفوني يا فهيم فوق مْلاه
وبقيت فوق لوحة ما ليها ثانــــي
بحر الحب صعيب والصبر يلقاه
أما بكيت منو وأما بكَّانـــــــــي
ورّى لي شلاّ نطيق لو ونراه



—————–



هل يا تْرى تجي لرسامي
يهنا القلب من تخمامو
هذا شحال طال غرامي
وأنا فحبها وحكامو
نْراه فيقظة ومنامــــــي
مملوك ليه صرت غلامو

مملوك ليه من قبل اليوم شراني
وقبل عن عيبي مْحَمّْلو ورضاه
وسكن دواخلي وقهرني وجلاني
ما نقدر نكميه والهوى شوَّاه
مولاه طول عمرو متعوب وفاني
وقت يشوف الزين كيهيج هواه



—————–



صيفت للغزال براتي
مرسولي مشى وسْبَاتو
قرا لها حروف بياتي
وطوات الكتاب رماتو
قالت لو بصوم سْنَتي
بيَ لا ظفر فحياتو

من ذا النهار ما يتصورش مكاني
ولّي لعندو وبكي انت ويَّاه
بعد الوصول غير هجرتو بلعاني
هذا حال الزين عاشقو يرضاه
ورجعت للبكا نهطل دمع عيانـي
وكتابي رتْمى ودرْتْ ليه عزاه



—————–



فالحين قلت يا مرسولي
ترك النواح ورجع ليها
عنداك..لا تكون مْلولي
لازم حاجتي تقضيها
شكي لها وكون فضولي
وأنا بشارتك نعطيها

ولَّى لعند ولفي مرسولي ثاني
نْقَرْ باب الدار صابها ترجاه
بعيون باكية والدمع الطوفاني
وكتابي محلول فيدها تقراه
مرسول عاشقي قالت هذا جاني
أهلا بسلامو وتايبة لله



—————–



قالت يا رسول حبيبــي
ولّي لو وفاجي نكدو
شْكي وقر لو بذنوبــــي
وعطيه بالدلال يشدو
وإلى وتيت يستر عيبي
حاشا ما نخالف عهدو

يوم الإثنين هو العاهد يرجاني
ونقيموا ليلة على كمال رضاه
وَفاتْ يامنة في عاهدها ثانـي
قلبي من بعد الصدود صاب مناه
أحافظ لقصيدة رصع لمعاني
المصمودي فالكريم دار رجاه






الرجوع الى أعلى الصفحة اذهب الى الأسفل
 
قصيدة يامنة نظم المصمودي وإنشاد احمد بدناوي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ناس مراكش :: الكلام المرصع :: الملحون-
انتقل الى: